Saturday, February 29, 2020

ചക്രവാളങ്ങളെ സാക്ഷിയാക്കി ‘ആകാശത്തേരില്‍ ഒരു മംഗല്യം’

Updated on 24-11-2019 at 6:01 pm

സിഡ്നി: ആകാശത്ത് വിവാഹ സായൂജ്യം നേടി വധു -വരന്മാര്‍. ജെറ്റ്സ്റ്റാര്‍ എയര്‍വെയ്സാണ് ഇവരുടെ വിവാഹത്തിന് നേതൃത്വം നല്‍കിയത്. ഓസ്ട്രേലിയക്കാരനായ ഡേവിഡ് വാലിയന്റും, ന്യൂസിലന്‍ഡ് കാരിയായ കാതി വാലിന്റയും തമ്മിലുള്ള വിവാഹമാണ് വിമാനത്തില്‍ നടന്നത്. രണ്ട് രാജ്യങ്ങളില്‍ നിന്നുള്ളവരായതിനാല്‍ ഇരു രാജ്യങ്ങളുടെയും നടുവില്‍ വെച്ച് വിവാഹിതരാകാന്‍ താല്‍പ്പര്യമുണ്ടെന്ന യുവതിയുടെയും യുവാവിന്റെയും ആവശ്യം ജെറ്റ്സ്റ്റാര്‍ എയര്‍വെയ്സ് അംഗീകരിച്ചതോടെയാണ് വിവാഹം നടന്നത്.

വിമാനം 34,000 അടി ഉയരത്തില്‍ ഓസ്ട്രേലിയയുടെയും ന്യൂസിലന്‍ഡിന്റെയും മധ്യത്തില്‍ എത്തിയപ്പോഴാണ് വിവാഹം നടന്നത്. വിവാഹത്തിന്റെ ദൃശ്യങ്ങളും ചിത്രങ്ങളും ജെറ്റ്സ്റ്റാര്‍ എയര്‍വെയ്സ് അവരുടെ ഫേസ്ബുക്ക് പേജിലൂടെ പുറത്തുവിട്ടു. വ്യത്യസ്തമായ രീതിയില്‍ വിവാഹം നടത്താന്‍ കഴിഞ്ഞത് നല്ലൊരു അനുഭവമായിരുന്നു എന്നും ജെറ്റ്സ്റ്റാര്‍ എയര്‍വെയ്സ് പ്രതികരിച്ചു.

comments


 

Other news in this section